o VERO AMMORE

’O Pat’Eterno rummane sulo nu mumento penzarùso,
po’ chiamma sette Angele e se fa purtà sette ampulline
d’oro chiene d’ammore, pacienzia, bonacrianza, giustizia, serietà, ducézza, onestà, onore e cumprenzione e ne
dà una pedùno a ’e sette Figlie suoie preferite dicenno:
– “Ognuno ’e vuie sciugliesse ’o zuco ’e st’ampulline dint’’e
ssurgente c’arrivano int’’e core ’e tutte ll’uommene ca a pparole dìceno ca ve vonno bene ma po’, cu’ ’e fatte, fanno
tutt’’o ccuntrario; dint’’e core ’e tutte ll’uommene ’e ogni pizzo d’’o munno, ’e ogni razza e culore, fede e religgione, struite e gnurante, generale e ssurdate, rre e ppuverielle, uommene e ffemmene, viecchie e ccriature. Facimmo n’ata vota,
tutte ’nzieme, ’o tentativo d’accuncià ’e ccose storte d’’o munno. Cercammo n’ata vota ancora ’e fa’ ’o ppussibbele ’e lle fa’
trasì int’all’aneme e dint’’e core tutto l’ammore ca tenimmo
pe’ lloro e si, finalmente, ce ’a farranno a ccapì ca chesta putesse essere pure l’ùrdema accasióne ca lle dammo pe’ se salvà,
e si riesceno a se vulé bene comme nuie ’e vvulimmo bene e a
se perdunà comme aggio scritto dint’’a Legge, e si tutta l’umanità, ’na vota e bona, sarrà capace ’e capì ca sulamente
’AMMORE, ’o VERO AMMORE, è ll’unica e sola strada
ca po’ véncere tutte ’e ’nfamità, se salvarrà.
Ma… si manco ’sta vota ’o ccapìsceno… peggio pe’ lloro!
O no?… E accussì sia! ”

Raffaele Pisani

Racconto molto bello del poeta napoletano Raffaele Pisani, che non ha rapporti di parentela, ma è anche lui, grande estimatore di Vittorio .
Purtroppo cio' che alimenta odio e fondamentalismo, sono i disagi sociali e le strumentalizzazioni politiche, che portano ad accantonare i principi ispiratori di ciascuna religione .
Come ha detto il Papa qualche giorno fa, il dialogo inter-religioso deve prescindere dalle differenze teologiche, e focalizzare sulle linee guida comuni, per fondare un terreno di convivenza .
Personalmente credo nel rispetto, che non deve prevaricare le convinzioni .
Il nostro è un Paese poco avvezzo alle differenze, ma ho fiducia che secoli di storia costituiscano un bacino che prima o poi tornera' utile per eliminare gli attriti e le incomprensioni .